YERLİ
Mərkəzi Neftçilər Xəstəxanasında növbəti seminar keçirilmişdir.
Aprel ayının 18-ndə Mərkəzi Neftçilər Xəstəxanasında Azərbaycan Ürək və Sağlamlıq Assosiasiyası (AHHA) təşəbbüsü ilə “Qan və onun komponentlərinin klinikada təhlükəsiz istifadəsi“ adlı elmi seminar keçirilmişdir. Seminarda yerli mütəxəssis və həkimlər iştirak etmişlər.
Açılışı edən t.e.n Dr. Rəşad Mahmudov seminar iştirakçıları salamlayaraq, seminarın məqsədi haqqında məlumat vermişdir. Sonra Mərkəzi Gömrük Hospitalının Qan bankının rəhbəri Dr. Məmmədəli Həsənovun "Konservləşdirilmiş qan və onun komponetləri" adlı təqdimat ilə çıxış etmişdir. Daha sonra isə Mərkəzi Neftçilər Xəstəxanasında Dr. Aynur Qasımova " Trasnfuziyaya göstərişlər" barədə geniş məlumat vermişdir.Qısa fasilədən sonra dəvam edən seminarda Mərkəzi Neftçilər Xəstəxanasının Qan köçürmə şöbəsinin həkimi Dr. Naimə Qurbanzadə iştirakçılar qarşında "Yayılmış damardaxili laxtalanmada qan və komponentlərinin istifadəsi " adlı məruzə ilə çıxış etmişdir. Çıxışlar sonrası verilən suallar üzrə geniş disskussiyalar aparılaraq seminara yekun qoyulmuşdur.